सन्धिखर्क नगरपालिकाको ११ औं नगर सभा सम्पन्न | आ. व. २०७९/८० को वार्षिक नीति तथा कार्यक्रम, बजेट सर्वसम्मत पारित (फोटो फिचर)

सन्धिखर्क, अर्घाखाँची (अर्घाखाँचीडट्कम) । सन्धिखर्क नगरपालिकाको ११ औं नगर सभा सम्पन्न भएको छ । 

सन्धिखर्क नगरपालिकाको ११ औं नगर सभा  सम्पन्न भएको हो । उता सन्धिखर्क नगरपालिकाले आगामी बर्ष २०७९-८० को लागि १ अर्ब ११ करोड ६३ लाख ९० हजार रुपैयाँको बजेट विनियोजन गरेको छ।

सन्धिखर्क नगरपालिकाको ११औं नगर सभामा चालुतर्फ ६५ करोड ४ लाख ५० हजार र पुँजीगततर्फ ४६ करोड ५९ लाख ४० हजार रुपैयाँको बजेट नगर उप प्रमुख मिश्रा आचार्यले प्रस्तुत गरेका थिए। नगर सभामा नगर प्रमुख कृष्ण प्रसाद श्रेष्ठले प्रस्तुत गरेको नीति तथा कार्यक्रममा रहेर चालुतर्फ ५८.२६ प्रतिशत र पुँजीगततर्फ ४१.७५ प्रतिशत विनियोजन गरिएको हो।

आर्थिक विकासमा १० करोड ४२ लाख, सामाजिक विकासमा ६१ करोड ३८ लाख, पुर्बाधार विकासमा २७ करोड ९० लाख, वन वातावरण तथा विपद ब्यवस्थापनमा १ करोड १३ लाख र शुसासन तथा सस्थागत विकासमा १० करोड ८० लाख ९० हजार रुपैयाँ बजेट विनियोजन गरिएको नगरपालिकाका प्रमुख प्रशासकीय अधिकृत नारायण अर्यालले बताए।