भाद्र १२ गते, २०८० मा प्रकाशित
बुटवल । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्डले समाजवादी मोर्चालाई कमजोर नठान्न चेतावनी दिएका छन् ।
मंगलबार बुटवलमा आयोजित समाजवादी मोर्चाको सन्देश सभालाई सम्बोधन गर्दै प्रधानमन्त्री प्रचण्डले मोर्चालाई कमजोर बनाउने षड्यन्त्र भइरहेकोले यसलाई कमजोर नसम्झन चेतावनि दिएका हुन् ।
प्रधानमन्त्री प्रचण्डले पूर्व माओवादीहरूलाई एक हुन आह्वान गर्दै सडकमा जाने तयारी गर्न समेत आग्रह गरे । उनले मोर्चालाई बदनाम गर्ने, फुटाउने, कमजोर बनाउने षड्यन्त्र भइरहेको बताए ।
प्रचण्डले भने, ‘नेपालको राष्ट्रिय हित, स्वाधीनता र सार्वभौमसत्ताको रक्षाको निम्ति जनयुद्ध जसरी म अहिले पनि लडिरहेको छु । लडाइँको रुप फेरिएको छ तर लडाइँ जारी छ । त्यसमा विश्वस्त रहन सबैमा म अपिल गर्न चाहन्छु ।’
जनयुद्ध, जनताको बहुदलीय जनवाद तथा अन्य प्रयोगहरूलाई एकीकृत गरी नयाँ क्रान्तिको तयारीमा रहेको बताउदै प्रचण्डले
जनताको पक्षमा काम गर्ने लडाइँ अहिले पनि जारी रहेको बताए ।
अन्य समाचारहरु
